Laboratorio de participación cidadá por unha menstruación digna e ecosaudable
Arrancamos novo curso con toda a enerxía e a ilusión de comenzar un novo proxecto e de que vos animedes a participar!!!
Engadimos, a continuación o texto da convocatoria para que teñades toda a información precisa de cara á vosa participación:
O obxectivo de Rompendo Regras Lab é incluír a menstruación digna e ecosaudable na formación universitaria, na investigación e nas políticas de coidado da Universidade e doutras entidades e organizacións educativas e socioeducativas.
Convocatoria aberta de proxectos para:
Implementar ou deseñar accións, experiencias, recoller, analizar e sistematizar información para cambiar actitudes, prácticas e políticas na Universidade e noutras organizacións educativas e socioeducativas en prol dunha menstruación digna, ecolóxica e saudábel.
Poden ser iniciativas novidosas ou experiencias que poden replicarse dun xeito orixinal con formas de traballo participativas e equipos multidisciplinares e con persoas de ocupación e procedencia diversas.
Os proxectos teñen que abordar algunha ou varias das seguintes temáticas:
- Educación menstrual, formación e integración no curriculum.
- Investigación sobre menstruación e xustiza reprodutiva.
- Políticas institucionais sobre menstruación na Universidade e noutras entidades ou organizacións educativas e socioeducativas.
- Expresións artístico-literaria e menstruación.
- Saúde, coidados, actividade física, corpo, menstruación e climaterio.
- Menstruación e medio ambiente.
- Menstruación, sensibilización e educación para a cidadanía global.
- Acceso a produtos menstruais ecosaudables, economía da menstruación e pobreza menstrual.
Presentación de proxectos
Pode presentar proxectos persoas da UDC (alumnado, PDI e PAS) e persoas alleas a UDC.
Participa completando este formulario. https://forms.office.com/r/XgYfnVNu5h
O prazo de presentación de proxectos remata o 14 de outubro ás 24:00.
Forma de traballo
- Realización de dous ou mais sesións segundo a modalidade do proxecto (on line, presencial ou semipresencial) en equipos multidisciplinares e diversos de xeito colaborativo.
- Rexistro do proceso nun documento de seguimento xa formalizado pola organización e da descrición dos resultados nun documento tamén formalizado.
- Difusión do proceso e dos resultados nas redes sociais.
- Participación no evento de peche para compartir os resultados de todos os proxectos e a elaboración das conclusións globais.
Temporalización
Criterios de selección de proxectos
- Diversidade de participantes e audiencias involucradas.
- Traballo colaborativo e produción de coñecemento colectivo.
- Vinculación coas temáticas da convocatoria.
- Impacto na implementación dunha menstruación digna e ecosaudable.
Comisión de selección
Grupo de Traballo de Igualdade de Xénero da Facultade de Ciencias da Educación e persoal da Oficina de Igualdade de Xénero da UDC.
Organización
Organiza: Grupo de Igualdade de Xénero da Facultade. de Ciencias da Educación (UDC), dentro do proxecto Rompendo Regras UDC con profesorado, alumnado e persoal de servizos das Facultades de Ciencias da Educación, Fisioterapia, Ciencias do Deporte e Educación Física e Socioloxía.
Apoia: Oficina de Igualdade de Xénero (UDC)
Comité organizador: Mar Rodríguez Romero (Organización), Araceli Couce García e Inma Doval Porto (Comunicación), Mar Rodríguez Romero, Neves Arza Arza e Alicia Martínez Rodríguez (Coordinación).
Este laboratorio forma parte da iniciativa “Laboratorios Ciudadanos Distribuidos”, proxecto en colaboración entre a Subdireción Xeral de Coordinación Bibliotecaria (Ministerio de Cultura e Deporte) e Medialab Prado (Concello de Madrid).
Contacto
¿Todavía tes dúvidas? Non dudes en contactar co Grupo de Traballo de Igualdade da Facultade de Educación da UDC. Podes escribirnos ó correo electrónico igualdade.educación@gabyfrias
¿De dónde nacen os laboratorios?
Este proxecto está xestionado polo Grupo de Traballo en Igualdade da Facultade de Ciencias da Educación da UDC, en colaboración con outras Facultades como a de Fisioterapia e a de Ciencias da actividade Física e deportiva. Ten lugar na UDC e atópase dentro da iniciativa «Laboratorios Cidadanos Distribuídos» de MediaLab Prado, nace o laboratorio de soberanía mentrual Rompendo Regras Lab: https://labsbibliotecarios.es/laboratorio/rompendo-regras-lab-menstruacion-digna-y-ecosaludable/
RompendoRegras 